Yevropa Chempionlar Ligasida yarimfinal super o'yin bilan boshlandi.
Parijdagi yarimfinalning birinchi o'yinida turnirning amaldagi chempioni «PSJ» Germaniyaning tengsiz klubi «Bavariya» bilan gollar shousi uyushtirib, bir to'p farqida g'alaba qozondi.
Ehtimoliy yil o'yinida 9 ta gol urildi. Mezbonlardan Xvicha va Dembele dublga erishdi, mehmonlar hujumidagi Keyn-Olise-Dias triosi ham o'zini ko'rsatdi.
Javob bahsi 6 may kuni Myunxenda o'tkaziladi.
Ma'lumot o'rnida, ikkinchi yarimfinalda 29 aprel kuni «Atletiko» Madridda «Arsenal» bilan o'ynaydi.
YChL. Yarimfinal
Birinchi o'yin
PSJ — Bavariya 5:4
28 aprel, «Park de Prens»
Gollar: Kvaratsxeliya (24, 56), Nevesh (33), Dembele (45+5 penalti, 58) — Keyn (17, penalti), Olise (41), Upamekano (65), Dias (68).
PSJ — Safonov, Hakimi, Markinos, Pacho, Mendesh (Ernandes, 84), Vitinya, Nevesh, Zair-Emeri (Ruis, 64), Due (Barkolya, 70), Kvaratsxeliya (Mayulu, 84), Dembele.
Bavariya — Noyer, Upamekano, Ta, Devis (Laymer, 46), Stanishich, Kimmix, Pavlovich (Jekson, 90+3), Musiala (Goretska, 80), Dias, Olise, Keyn.
Ogohlantirishlar: Markinos (12), Ruis (77), Hakimi (80).
