«Barselona» sobiq bosh murabbiyi Xavi Ernandes Lionel Messining 2023-yilda Kataloniya klubiga qaytishi nega amalga oshmaganini aytib berdi.
«Messi — mening yaqin do‘stim. Biz u bilan ko‘p gaplashardik. U “Barselona”ga qaytishni istagan. Men esa u uchun “so‘nggi raqs”ni tashkil qilamiz deb o‘ylagandim.
Biz 4 oy davomida aloqada bo‘ldik, ammo keyin Laporta menga Messini “Barselona”ga qaytarishni istamasligini aytdi. Bu haqda Leoga aytish men uchun juda og‘ir edi», — dedi Xavi.
Ma’lumot o‘rnida, Messi “Barselona” tarbiyalanuvchisi hisoblanadi. U 2021-yilda Kataloniya klubidagi moliyaviy muammolar sabab jamoani tark etib, “PSJ”ga ko‘chib o‘tgandi.
2023-yilda argentinalik futbolchi Parij klubi bilan shartnomasini uzaytirmaslikka qaror qildi va “Barselona”ga qaytishga yaqin edi. Biroq transfer amalga oshmadi va Messi hozirda faoliyatini “Inter Mayami”da davom ettirmoqda.
