«Arsenal»ning sobiq hujumchisi Teo Uolkott jamoaning safardagi o‘yinlarda duch kelayotgan muammolari Angliya chempioni unvonini himoya qilishiga xalaqit berishi mumkinligini aytdi.
«Ular hali ham safardagi o‘yinlarda biroz zaif ko‘rinishmoqda. Men Tsolisni yoqtiraman, ammo safardagi uchrashuvlarda ko‘rganlarim asosida u meni unchalik hayratda qoldirmadi. Ayrim futbolchilar uyda yoki mashg‘ulotlarda yaxshi ko‘rinishadi. Ammo mehmonda o‘tkazilgan bahslarda yetarlicha ko‘zga tashlanishmadi va zaif ko‘rinishdi. Agar o‘zini oqlamayotgan futbolchini ko‘rsangiz, keyingi safar uni zaxirada qoldirish kerak.
«Arsenal»da yaxshi jamoa bor. Yana chempionlikni qo‘lga kiritish imkoniyatlari ko‘p. Ammo bu oson bo‘lmaydi. Chunki ular Chempionlar ligasida zafar quchishni xohlamoqda», — dedi Uolkott talkSPORT Drive efirida.
Ma’lumot uchun, «Arsenal» keyingi bahsini 11 oktabr kuni «Lids»ga qarshi o‘tkazadi.
