«Arsenal» Dortmundning «Borussiya» klubi yarimhimoyachisi Jastin Eyodamenni o‘z safiga qo‘shib olish uchun jiddiy da’vogarlardan biriga aylandi. Bu haqda TEAMtalk xabar berdi.
15 yoshli italiyalik futbolchi o‘yin uslubi va salohiyati jihatidan «Borussiya»ning sobiq futbolchisi Jud Bellinghemga qiyoslanmoqda. Manbaga ko‘ra, ayni vaqtda Eyodamenni transfer qilish uchun kurashda «Barselona» yetakchi hisoblanadi. «Milan» va «Yuventus» ham yarimhimoyachiga qiziqish bildirmoqda.
Shu bilan birga, Dortmund klubi yosh futbolchini o‘z safida saqlab qolishni maqsad qilgan. Eyodamenning kelajagi borasidagi vaziyat uning Yevropaning yetakchi klublari e’tiboriga tushgani sababli kuzatib borilmoqda.
Eslatib o‘tamiz, Jud Bellinghem 2020-2023-yillar davomida «Borussiya» Dortmund safida to‘p tepgan. U 2023-yilda «Real»ga ko‘chib o‘tgan.
Ma’lumot uchun, Bellinghemning ukasi Job 2025-yil yozidan buyon Dortmundning «Borussiya» klubida o‘ynamoqda.
