Turkiya Superligasi. «Bashakshehir» «Genchlerbirligi»ni tor-mor etdi, Shomurodovdan dubl

Turkiya Superligasi 6-turida «Bashakshehir» o‘z maydonida «Genchlerbirligi»ga qarshi bellashdi. Unda istanbulliklar 4:0 hisobidagi g‘alabaga erishdi. O‘zbekiston milliy jamoasi hujumchisi Eldor Shomurodov dubl qayd etdi. Uning Superligadagi gollari soni 6 taga yetdi.

Bu bahsda Eldor asosiy tarkibda maydonga tushib, 77-daqiqada zaxiraga olindi. Abbosbek Fayzullayev esa 77-daqiqada o‘yinga qo‘shildi.

Ushbu g‘alabadan so‘ng «Bashakshehir» turnir jadvalida 7 ochko bilan 12-o‘ringa ko‘tarildi. 7 ochkosi bor «Genchlerbirligi» esa 13-pog‘onani egallagan.

Turkiya Superligasi. 6-tur
Bashakshehir — Genchlerbirligi 4:0
Gollar: Olsen 9, Shomurodov 33, 65, Zelke 53 penalti
Bashakshehir – Muhammad, Karbovnik, Emin, Ba, Saba, Umut, Kemen (Ergun, 62), Olsen, Brnich (FAYZULLAYEV, 77), Zelke (Yildirim, 69), SHOMURODOV (Ozjan, 77).