Mark-Andre ter Stegen bir mavsumning o'zida ikki jamoa bilan Ispaniya chempioniga aylanib, shu bilan birga Segundaga tushib ketdi.
Mavsumning birinchi yarmini germaniyalik darvozabon "Barselona" safida o'tkazdi va jamoa bilan La Liga oltin medallarini qo'lga kiritdi. Qishda esa "Girona" uni "ko'k-anorranglilar"dan ijaraga oldi va yakunda jamoa 19-o'rinni egallab, Segundaga ravona bo'ldi.
Qayd etish lozim, ter Stegen "Girona" safida yanvar oyida ikki o'yinda ishtirok etdi va shundan so'ng jarohat sabab mavsum oxirigacha maydonga tushmadi. Avvalroq posbon Germaniya milliy jamoasining jahon chempionati uchun yakuniy qaydnomasiga kiritilmagani ma'lum qilingan edi.
