Марк-Андре тер Стеген бир мавсумнинг ўзида икки жамоа билан Испания чемпионига айланиб, шу билан бирга Сегундага тушиб кетди.
Мавсумнинг биринчи ярмини германиялик дарвозабон «Барселона» сафида ўтказди ва жамоа билан Ла Лига олтин медалларини қўлга киритди. Қишда эса «Жирона» уни «кўк-анорранглилар»дан ижарага олди ва якунда жамоа 19-ўринни эгаллаб, Сегундага равона бўлди.
Қайд этиш лозим, тер Стеген «Жирона» сафида январ ойида икки ўйинда иштирок этди ва шундан сўнг жароҳат сабаб мавсум охиригача майдонга тушмади. Аввалроқ посбон Германия миллий жамоасининг жаҳон чемпионати учун якуний қайдномасига киритилмагани маълум қилинганди.
