Madridning «Real» jamoasining avstriyalik himoyachisi David Alaba klubni tark etishga tayyorlanmoqda.
Tajribali futbolchi mavsum yakuniga yetgach, «qaymoqranglilar» safini erkin agent sifatida tark etadi va uning faoliyatini davom ettirish uchun turli variantlar ko‘rib chiqilmoqda.
Insayder Nikolo Skiraning xabar berishicha, 33 yoshli futbolchini «Yuventus»ga vositachilar orqali taklif qilishgan. Hozircha «keksa sinora» tajribali markaziy himoyachi nomzodiga munosabati hozircha noma’lum.
Avvalroq David Alabaning «Milan»ga o‘tishi bo‘yicha mish-mishlar tarqalgandi.
Ushbu mavsumda futbolchi madridliklar safida faqat 14 uchrashuvda maydonga tushgan. Madridga ko‘chib o‘tishdan avval u «Bavariya» safida to‘p tepgan va 10 marta Bundesliga g‘olibi bo‘lgan.
