«PSJ» himoyachisi Nunu Mendesh Liga 1'ning 7-turidan o‘rin olgan «Strasburg»ga qarshi uchrashuvda (3:1) chap son mushaklaridan jarohat oldi.
Klub matbuot xizmatining ma’lum qilishicha, portugaliyalik futbolchi bir necha hafta davomida maydonga tusha olmaydi. Shu tariqa, Mendesh Chempionlar Ligasi umumiy bosqichining 3-tur doirasida «Barselona»ga qarshi bo‘lib o‘tadigan uchrashuvda jamoasiga yordam bera olmaydi.
Bundan tashqari, himoyachi 25-oktabr kuni «Lion»ga va 30-oktabr kuni «Gavr»ga qarshi uchrashuvlarni ham o‘tkazib yuborishi mumkin. Shuningdek, futbolchining xalqaro tanaffus oldidan 3-noyabr kuni «Vilyarreal» va 7-noyabr kuni «Trua»ga qarshi bahslarda ishtirok eta olmasligi ehtimoli bor.
Eslatib o‘tamiz, ushbu mavsumda Nunu Mendesh parijliklar safida 7 ta uchrashuvda maydonga tushib, gol yoki assist qayd etmagan.
Ma’lumot o‘rnida, «PSJ» va «Barselona» o‘rtasidagi uchrashuv 20-oktabrdan 21-oktabrga o‘tar kechasi Toshkent vaqti bilan soat 00:00 da boshlanadi.
