«Barselona» hujumchisi Rafinya La Ligada avgust oyining eng yaxshi futbolchisi deb topildi. Bu haqda liga rasmiy sayti xabar berdi.
O‘tgan oyda braziliyalik hujumchi Ispaniya chempionati doirasida uchta uchrashuvida ishtirok etib, 5 ta gol va 1 ta golli uzatma qayd etdi.
Xususan, Rafinya «Elche» (5:0) va «Rayo Valekano» (5:2)ga qarshi uchrashuvlarning har birida dubl qayd etdi. Shuningdek, u «Atletik» klubiga qarshi bahsda (2:0) bitta gol urdi.
Ma’lumot uchun, futbolchining «Barselona» bilan amaldagi shartnomasi 2028 yil yozigacha mo‘ljallangan. Transfermarkt ma’lumotlariga ko‘ra, Rafinyaning bozor qiymati 70 million yevroni tashkil etadi.
Muxlislar bu yangilikni Telegram’da muhokama qilmoqda
Izohlar Telegram’da ochiladi