«Qo‘qon-1912» Ibrohim Yo‘ldoshev transferini e'lon qildi

«Qo‘qon-1912» yozgi transferlar oynasidagi navbatdagi transferini e'lon qildi.

«Selektsiya ishlarini olib borayotgan «shunqorlar»ning navbatdagi nishoni — iqtidorli himoyachi Ibrohim Yo‘ldoshev. U 2026 yilgi mavsumning birinchi qismida «Andijon» safida o‘ynadi.

Ma'lumot uchun, Yo‘ldoshev 1999 yilning 5 iyun kuni Toshkentda dunyoga kelgan. 26 yoshli futbolchi «Paxtakor», «Metallurg», «Surxon», «Dinamo», «Navbahor», «Lokomotiv» hamda «Andijon»da to‘p tepgan.

Qolaversa, himoyachi o‘z vaqtida O‘zbekiston U-19, U-21 va U-23 jamoalarida harakat qilgan.

Ibrohim, «Qo‘qon-1912»ning ahil oilasiga xush kelibsiz!» — deb yozadi klub matbuot xizmati.