Pep “Etihad”ga qaytadi

Pep Gvardiola “Manchester Siti”ning uy o‘yiniga tashrif buyuradi.

14 oktabr kuni “shaharliklar” Chempionlar ligasida musobaqaning amaldagi g‘olibi — “PSJ”ga qarshi maydonga tushadi. Bellashuv “Etihad Stadium”da bo‘lib o‘tadi.

Bu ispaniyalik mutaxassis uchun jamoa bosh murabbiyi lavozimini tark etganidan keyin “Siti” stadioniga birinchi marta tashrifi bo‘ladi. Daily Mail nashrining ta’kidlashicha, Pep klub rahbariyati bilan ham uchrashadi.

55 yoshli murabbiyga yaqin manbalarning xabar berishicha, dastlab Pep bu safarning maqsadga muvofiqligiga shubha qilgan, ammo oxir-oqibat “Etihad”ga borishga qaror qilgan.