«Roma» yarimhimoyachisi Lorenso Pellegrini Rim klubi bilan shartnomani uzaytirishga yaqin turibdi.
Bu haqda taniqli insayder Fabritsio Romano ma’lum qildi.
Manba ma’lumotlariga ko‘ra, tomonlar 2027-yil iyunigacha mo‘ljallangan yangi kelishuv bo‘yicha og‘zaki kelishuvga erishgan.
Ma’lumot uchun, Pellegrini 2017-yildan beri rimliklar sharafini himoya qilib kelmoqda. Bu vaqt ichida u «Roma» safida 300 dan ortiq o‘yin o‘tkazdi va uzoq vaqtdan beri jamoa sardori hisoblanadi.
Eslatib o‘tamiz, «Roma» Italiya chempionatining yangi mavsumini «Fiorentina»ga qarshi uy uchrashuvi bilan boshlaydi - o‘yin 24-avgust kuni bo‘lib o‘tadi va Toshkent vaqti bilan 23:45da start oladi.
