Oʻzbekiston — Rossiya oʻrtoqlik oʻyini uchun chiptalar sotuvga chiqdi

Oʻzbekiston milliy jamoasi 12 noyabr kuni oʻrtoqlik bahsi doirasida Rossiyani qabul qiladi.

Ushbu bellashuv uchun chiptalar iTicket.uzʻda sotuvga chiqdi. Chiptalar narxi — joyiga qarab 75000, 150000, 250000, 350000 va 1 million soʻm.

Maʼlumot uchun, oʻyin “Paxtakor” stadionida boʻlib oʻtadi va Toshkent vaqti bilan soat 20:00da start oladi.

Eslatib oʻtamiz, Fabio Kannavaro boshqaruvidagi Oʻzbekiston milliy jamoasi soʻnggi oʻyinini 6 oktyabr kuni safarda Janubiy Koreyaga qarshi oʻtkazib, 0:2 hisobida yutqazgandi. Avvalroq esa Toshkentda Suriya (4:1) va Fargʻonada Eron (3:1) magʻlub etilgan.