«Nyukasl» rahbariyati hujumchi Nik Voltemadeni ushbu yozda qo‘yib yubormaslikka qaror qildi.
Jurnalist Florian Plettenbergning xabariga ko‘ra, klub sport direktori Ross Uilson 24 yoshli germaniyalik futbolchining transferiga veto qo‘ygan. Funksioner yangi mavsumda Voltemadega ishonch bildirmoqda.
Qayd etilishicha, hujumchi «Nyukasl» safiga o‘tgan yozda «Shtutgart»dan 85 million yevro evaziga kelib qo‘shilgandi.
Ma’lumot uchun, Nik Voltemade o‘tgan mavsum barcha musobaqalarda 51 ta bahsda maydonga tushib, 11 ta gol urdi va 4 ta golli uzatmani amalga oshirdi.
