Braziliya milliy jamoasi hujumchisi Neymar kelasi haftadan to'liq mashg'ulotlarga qaytishi mumkin. Bu haqida Estadão nashri xabar berdi.
"Neymarning holati aniq. U hozir individual mashg'ulotlar o'tkazmoqda. Bugun, 6 iyun kuni MRT tekshiruvdan o'tadi. Tekshiruv natijalariga ko'ra, kelasi haftadan jamoa bilan umumiy mashg'ulotlarga qo'shilishi mumkin", - dedi Braziliya milliy jamoasi bosh murabbiyi Karlo Anchelotti.
34 yoshli Neymar Braziliya chempionatining 16-turidan o'rin olgan "Koritiba"ga qarshi uchrashuvda (0:3) boldiridan jarohat olgan edi. U o'yinning 65-daqiqasida maydonni tark etgan.
Shunga qaramay, Neymar Braziliya milliy jamoasining 2026 yilgi Jahon chempionati uchun qaydnomaga kiritilgan.
