Portugaliya milliy jamoasining sobiq yarimhimoyachisi Nani Neymar haqida iliq fikrlar bildirib, uni futbol tarixidagi eng buyuk futbolchilar qatoriga qo‘shdi.
«Agar faqat futbol haqida gapiradigan bo‘lsak, menimcha, Neymar barchaga yoqadi. Haqiqiy futbol ishqibozi uni qadrlaydi, chunki u bizga juda ko‘p quvonch ulashgan va ko‘plab yoshlarni ilhomlantirgan. Men ham Neymarning muxlisiman. Unga qarshi bir necha bor o‘ynaganman va uning kamtarligidan hayratda qolganman», — dedi Nani.
Uning fikricha, Neymar ushbu jahon chempionatida o‘zining eng yaxshi o‘yinini namoyish eta olmagan bo‘lsa-da, u futbol muxlislariga zavq ulashishda davom etishi kerak.
«U driblingi va maydondagi sehrini namoyish etishda davom etishi kerak. Neymar kabi futbolchilarni ko‘rganimizda futbol tomosha qilish va o‘ynash istagi yanada ortadi. U quvonch va dadillikni taratadi», — deya qo‘shimcha qildi Luish.
Nani, shuningdek, futbolchilarni faqat maydondagi o‘yini orqali baholash lozimligini ta’kidladi.
«Braziliya Neymar bu futbolkada amalga oshirgan ishlari uchun undan minnatdor bo‘lishi kerak. U uni munosib himoya qildi va Ronaldinyo, Ronaldo hamda Romario kabi barcha davrlarning eng buyuk futbolchilari qatorida turadi. Menimcha, u aynan shu darajadagi futbolchi», — dedi Nani.
Ma’lumot uchun, Neymar Braziliya milliy jamoasi tarixidagi eng yaxshi to‘purar hisoblanadi va JCh-2026dan keyin u milliy jamoadagi faoliyatini yakunlagan edi.
