Modrich, Pas, “Inter”dan 5 futbolchi — A Seriya-2025/26 ramziy jamoasi eʼlon qilindi

Italiyada Futbol federatsiyasi tomonidan oʻtgan mavsumda oʻzini eng yaxshi koʻrsatgan oʻyinchilar, murabbiylar va hakamlarni taqdirlash uchun tashkil etilgan Gran Galà del Calcio marosimi boʻlib oʻtdi.

Tadbirda 2025/26 yilgi chempionat yakunlariga koʻra A Seriyaning ramziy jamoasi tuzildi. Unga quyidagi oʻyinchilar kiritildi:

Darvozabon: Mile Svilar (“Roma”);

Himoyachilar: Federiko Dimarko (“Inter”), Alessandro Bastoni (“Inter”), Manuel Akanji (“Inter”), Marko Palestra (“Kalyari”);

Yarimhimoyachilar: Skott Maktominey (“Napoli”), Luka Modrich (“Milan”), Hoqon Chalxonoʻgʻli (“Inter”);

Hujumchilar: Niko Pas (“Komo”), Doniell Malen (“Roma”), Lautaro Martines (“Inter”).

Avvalroq liganing oʻtgan mavsumdagi eng yaxshi oʻyinchisi eʼlon qilingandi.