Модрич, Пас, «Интер»дан 5 футболчи — А Серия-2025/26 рамзий жамоаси эълон қилинди

Италияда Футбол федерацияси томонидан ўтган мавсумда ўзини энг яхши кўрсатган ўйинчилар, мураббийлар ва ҳакамларни тақдирлаш учун ташкил этилган Gran Galà del Calcio маросими бўлиб ўтди.

Тадбирда 2025/26 йилги чемпионат якунларига кўра А Сериянинг рамзий жамоаси тузилди. Унга қуйидаги ўйинчилар киритилди:

Дарвозабон: Миле Свилар («Рома»);

Ҳимоячилар: Федерико Димарко («Интер»), Алессандро Бастони («Интер»), Мануэл Аканжи («Интер»), Марко Палестра («Каляри»);

Яримҳимоячилар: Скотт Мактоминей («Наполи»), Лука Модрич («Милан»), Ҳоқон Чалхонўғли («Интер»);

Ҳужумчилар: Нико Пас («Комо»), Дониэлл Мален («Рома»), Лаутаро Мартинес («Интер»).

Аввалроқ лиганинг ўтган мавсумдаги энг яхши ўйинчиси эълон қилинганди.