«Эвертон» «Лион»нинг ўнг қанот ҳимоячиси Энсли Мэйтленд-Найлзнинг трансферини эълон қилди.
Англиялик 29 ёшли футболчи мерсисайдликлар билан 3 йиллик шартнома имзолади.
Трансфер қиймати ошкор қилинмаяпти. Transfermarkt маълумотларига кўра, «Эвертон» «Арсенал»нинг собиқ ўйинчиси учун 5 млн евро тўлаган.
Мэйтленд-Найлз фаолиятининг катта қисмини «тўпчилар» сафида ўтказган. Шунингдек, у «Саутҳэмптон», «Ипсвич» ва «Рома»да ҳам ҳаракат қилган.
Ҳимоячи ўтган мавсумда Лига 1да 30 ўйинда 1 гол ва 4 ассистни ўз ҳисобига ёздириб қўйган.
«Арсенал» собиқ ҳимоячиси Мэйтленд-Найлз АПЛга қайтди
Футбол
3 сентябр, 15:13
29 ёшли футболчи фаолиятини Ливерпул клубида давом эттиради.
Foto: Everton
