«Брайтон» «Реал» тарбияланувчисини сотиб олди

Чема Андрес «Штутгарт»дан «Брайтон»га ўтди.

АПЛ клуби «Реал» тарбияланувчисининг трансфери ва у билан 5 йиллик шартнома имзоланганини маълум қилди.

Marca маълумотларига кўра, Германия клуби бу трансфердан 23 млн евро ишлаб олган, аммо унинг ярмини (11,5 млн) «Реал»га бериши керак.

Шунингдек, испаниялик 21 ёшли яримҳимоячи қайта сотилган тақдирда, «Брайтон» трансфер пулининг муайян қисмини «Штутгарт»га ўтказиб беради.

2025 йилда 3 млн еврога сотиб олинган Андрес Бундеслигада фақат бир мавсум ўтказди. У чемпионатнинг 25 та ўйинида 3 та гол урди.