«Fenerbahche» klubi «Milan» vingeri Rafael Leauga jiddiy qiziqish bildirmoqda.
Insayder Fabritsio Romanoning xabar berishicha, Istanbul klubi portugaliyalik 27 yoshli futbolchini sotib olish sharti bilan ijaraga olish taklifini bildirgan.
Biroq «rossoneri» bu taklifni rad etgan. Shunga qaramay, tomonlar o‘rtasida muzokaralar davom etmoqda. «Fenerbahche» tez orada taklifni yaxshilashi mumkin.
Agar kelishuv amalga oshsa, Leau yangi jamoasida yiliga qariyb 12 million yevro atrofida maosh olish imkoniyatiga ega bo‘ladi. Futbolchining bozor qiymati esa 50 million yevroga baholanmoqda.
Ma'lumotlarga qaraganda, Rafael endi «Milan» rejalarida asosiy o‘yinchi hisoblanmaydi va yozda sotib yuborilishi mumkin. Futbolchining o‘zi ham klubni tark etishga tayyor.
