Fransiya milliy jamoasi hujumchisi va sardori Kilian Mbappe Millatlar ligasida Turkiyaga qarshi uchrashuvga uch kun qolganida betob bo‘ldi. Bu haqda RMC Sport xabar berdi.
Manba ma’lumotiga ko‘ra, Mbappe dushanba kuni Fransiya milliy jamoasi yig‘iniga kelib qo‘shilgan. Biroq seshanba kuni o‘tkazilgan mashg‘ulotda ishtirok etmadi.
Futbolchida grippga o‘xshash alomatlar kuzatilmoqda. Shunga qaramay, Mbappening Turkiyaga qarshi uchrashuvda maydonga tushish imkoniyati hali ham mavjud.
Qayd etilishicha, Fransiya lagerida mashg‘ulotni o‘tkazib yuborgan yagona futbolchi aynan Mbappe bo‘lgan.
Fransiya va Turkiya milliy jamoalari o‘rtasidagi uchrashuv 25-sentabr kuni Izmit shahridagi «Kocaeli» stadionida bo‘lib o‘tadi. Bu Zinedine Zidanning «uchranglilar»dagi debyuti bo‘ladi.
Avvalroq Kilian nima sababdan «PSJ»ni tark etib, «Real»ga o‘tganini tushuntirib bergandi.
