Angliya Premyer-ligasi va «Manchester Siti» o‘rtasidagi moliyaviy qoidalar bilan bog‘liq huquqiy ish bo‘yicha yakuniy qaror chiqarilishi bir necha yil davom etishi mumkin. Bu haqda The Athletic xabar berdi.
Manbaga ko‘ra, liga ichidagi apellyatsiya jarayoni uchun belgilangan muddatlar mavjud bo‘lsa-da, ish materiallarining katta hajmi sababli jarayonning cho‘zilishi ehtimoli bor. Huquq sohasi mutaxassislari ish Premyer-liganing ichki sport yurisdiksiyasidan tashqariga chiqishi mumkinligini ham istisno qilmagan.
«Premyer-liga qoidalarida apellyatsiya berish tartibi, keyinchalik esa qo‘shimcha arbitraj jarayoni ko‘zda tutilgan. Bundan tashqari, sudga murojaat qilish ehtimolini ham istisno qilib bo‘lmaydi. Intizomiy ishning yakuniy hal etilishi, keyingi da’volarni hisobga olmaganda ham, yana bir necha yilga cho‘zilishi mumkin», — deya Macfarlanes yuridik firmasi hamkori Fred Snoubollning so‘zlarini keltirdi The Athletic.
Shu tariqa, «Manchester Siti»ga nisbatan qo‘llanishi mumkin bo‘lgan choralar masalasi bo‘yicha yakuniy qaror chiqishi uzoq vaqt talab qilishi mumkin. Jarayon davomida klub mavjud huquqiy mexanizmlardan foydalanish huquqiga ega.
Ma’lumot uchun, «Manchester Siti»ning moliyaviy qoidalarni buzganlikda ayblanishi bo‘yicha ish doirasidagi yakuniy choralar hozircha ma’lum emas.
