Ispaniya milliy jamoasi va «Arsenal»ning sobiq yarimhimoyachisi Santi Kasorla 2026-yilgi «Oltin to‘p» uchun ovoz berishda «Barselona» va Ispaniya milliy jamoasi hujumchisi Lamin Yamal g‘olib chiqishi kerakligini aytdi.
«Men «Oltin to‘p»ni Lamin Yamalga bergan bo‘lardim. U bizning mamlakatimiz sharafini himoya qilmoqda, ispaniyalik va ushbu mukofotni qo‘lga kiritishga loyiq. Qarorni biz qabul qilmaymiz, ammo uning xizmatlarini hisobga olsak, mukofot Yamalga tegishli bo‘lishi kerak», — deya Kasorlaning so‘zlarini Sport.es keltirdi.
Yamal o‘tgan mavsumda «Barselona» bilan Ispaniya chempionatida g‘olib chiqdi. Shuningdek, u Ispaniya milliy jamoasi bilan jahon chempionligini qo‘lga kiritdi.
2026-yilgi «Oltin to‘p» topshirish marosimi 26-oktyabr kuni Londonda bo‘lib o‘tadi. Ushbu marosim mukofot tarixidagi 70-yubiley tadbiriga aylanadi.
Ma’lumot uchun, «Oltin to‘p» sohibi FIFA reytingining kuchli 100 taligidan o‘rin olgan mamlakatlar vakili bo‘lgan 100 nafar jurnalistning ovoz berishi orqali aniqlanadi.
