«Liverpul» «Barselona» yarimhimoyachisi Frenki de Yongni transfer qilishga qiziqish bildirmoqda. Bu haqda El Nacional xabar berdi.
Manbaga ko‘ra, «Liverpul» niderlandiyalik futbolchi uchun «Barselona»ga 40 million yevro taklif qilgan, biroq kataloniyaliklar bu taklifni rad etgan.
Shu bilan birga, «Barselona» de Yongni sotish variantini ko‘rib chiqishga tayyor. Biroq klub futbolchi uchun kamida 70 million yevrolik taklif kutmoqda.
29 yoshli yarimhimoyachi ushbu mavsumda jarohatini tiklayotgani sababli hali birorta bahsda maydonga tushmadi. Uning «Barselona» bilan amaldagi shartnomasi 2029 yil yozigacha mo‘ljallangan.
Transfermarkt portali de Yongning transfer qiymatini 35 million yevroga baholamoqda.
Muxlislar bu yangilikni Telegram’da muhokama qilmoqda
Izohlar Telegram’da ochiladi