«Ливерпул» «Барселона» яримҳимоячиси Френки де Йонгни трансфер қилишга қизиқиш билдирмоқда. Бу ҳақда El Nacional хабар берди.
Манбага кўра, «Ливерпул» нидерландиялик футболчи учун «Барселона»га 40 миллион евро таклиф қилган, бироқ каталонияликлар бу таклифни рад этган.
Шу билан бирга, «Барселона» де Йонгни сотиш вариантини кўриб чиқишга тайёр. Бироқ клуб футболчи учун камида 70 миллион евролик таклиф кутмоқда.
29 ёшли яримҳимоячи ушбу мавсумда жароҳатини тиклаётгани сабабли ҳали бирорта баҳсда майдонга тушмади. Унинг «Барселона» билан амалдаги шартномаси 2029 йил ёзигача мўлжалланган.
Тransfermarkt портали де Йонгнинг трансфер қийматини 35 миллион еврога баҳоламоқда.
Мухлислар бу янгиликни Telegram’да муҳокама қилмоқда
Изоҳлар Telegram’да очилади