«Барселона» спорт директори Деку жамоа ҳужумчиси Рафиня билан шартномани узайтириш масаласини муҳокама қилишни бошлади. Бу ҳақда Sport.es хабар берди.
Маълум қилинишича, Деку ва клуб вакили Алехандро Эчеваррия Рафиня билан Кастелдефелсдаги ресторанлардан бирида норасмий учрашув ўтказган. Суҳбатда футболчининг рафиқаси Таия Беллоли ҳам иштирок этган.
Учрашув давомида томонлар бразилиялик футболчининг «Барселона» билан шартномасини узайтириш масаласини дастлабки тарзда муҳокама қилган.
Рафиня бу мавсумда барча турнирларда 6 та учрашувда иштирок этиб, 8 та гол урди ва 3 та голли узатма амалга оширди. Унинг клуб билан амалдаги шартномаси 2028 йилга қадар мўлжалланган.
