"Komo" "Xetafe"ning eng yaxshi assistentini sotib oldi

Luis Milya "Xetafe"dan "Komo"ga o'tdi.

Italiya klubi 31 yoshli yarimhimoyachi bilan shartnoma imzolaganini e'lon qildi. Tomonlar 2029 yilgacha mo'ljallangan shartnoma imzolashdi.

Sky Sport yozishicha, transfer qiymati 6 million yevroni tashkil etgan.

Milya o'tgan mavsumda La Ligada 37 o'yinda 1 gol va 10 golli uzatmani o'z hisobiga yozdirib qo'yib, "Xetafe"ning eng yaxshi assistenti bo'lgandi.