Kristian Romeroning «Tottenhem»dan «Inter»ga o‘tishi taqdiri noaniqligicha qolmoqda.
Londonliklar «nerazzurri» bilan kelishuv shartlarini kelishib olgan, Romeroning o‘zi esa hatto ish haqi bo‘yicha talablarini pasaytirdi - u hozir olayotgan yillik 6 million yevroga rozi. Insayder Fabritsio Romanoning so‘zlariga ko‘ra, endi hamma narsa hali rozilik bermagan «Inter» egalariga bog‘liq.
Italiya klubi argentinalik futbolchini sotib olishni yakunlashdan oldin o‘z o‘yinchilaridan birini sotmoqchi. Agar bu yaqin haftalarda amalga oshmasa, transfer barbod bo‘lishi mumkin, chunki 28 yoshli futbolchiga boshqa da’vogarlar bor.
Avvalroq, «Inter» Kristian Romero uchun taxminan 40 million yevro to‘lashi xabar qilingandi.
