Iroq milliy jamoasi hujumchisi Ayman Husayn "Paxtakor" bilan shartnoma imzolaydi. Bu haqda X ijtimoiy tarmog'idagi Iraq Football Podcast sahifasi xabar berdi.
Qayd etilishicha, iroqlik futbolchi "sherlar" bilan 1+1 ko'rinishidagi bitimga imzo chekadi. Shuningdek, uning maoshi yiliga 1 million dollar bo'lishi kutilmoqda. Ayman payshanba kuni rasmiy hujjatlarni imzolash uchun Toshkentga uchib keladi.
Ma'lumot o'rnida, "Paxtakor" o'tgan mavsum Superligada 2-o'rinni qo'lga kiritgan holda Elit Osiyo Chempionlar Ligasi pley-off bosqichida ishtirok etish huquqini qo'lga kiritgan. Jamoa 11 avgust kuni Iordaniyaning "Al Husayn" klubiga qarshi maydonga tushadi.
Muxlislar bu yangilikni Telegram’da muhokama qilmoqda
Izohlar Telegram’da ochiladi