«Inter» himoyachi Federiko Dimarko bilan shartnomani yana bir mavsumga uzaytirish bandini faollashtirdi. Endilikda 28 yoshli italiyalik futbolchi bilan kelishuv 2028-yilning 30-iyuniga qadar amal qiladi, deb xabar beradi Goal.com.
Madridda «Inter»ning yangi sport direktori Dario Bachchin va Dimarkoning agenti Arturo Kanales ishtirokida uchrashuv bo‘lib o‘tdi. Tomonlar futbolchiga oid klubning kelgusi rejalarini muhokama qildi.
Dimarkoning o‘zi avvalroq butun faoliyatini «Inter»da o‘tkazish istagini ochiqchasiga bildirgan edi. Shu bilan birga, italiyalik o‘yinchi A Seriyaning eng yaxshi futbolchisi deb topilgan va jamoaga yana ikkita sovrinni qo‘lga kiritishda yordam bergan muvaffaqiyatli o‘tgan mavsumdan so‘ng o‘z xizmatlari e’tirof etilishini hamda shartnoma shartlari yaxshilanishini istagandi.
Ma’lumki, klub rahbariyati Dimarkoga uzoq muddatli shartnoma taklif qilishga tayyor. Maoshni sezilarli darajada oshirish rejalashtirilmagan, ammo shaxsiy va jamoaviy bonuslar bo‘yicha shartlar yaxshilanadi.
