«Интер» ҳимоячи Федерико Димарко билан шартномани яна бир мавсумга узайтириш бандини фаоллаштирди. Эндиликда 28 ёшли италиялик футболчи билан келишув 2028 йилнинг 30 июнига қадар амал қилади, деб хабар беради Goal.cом.
Мадридда «Интер»нинг янги спорт директори Дарио Баччин ва Димарконинг агенти Артуро Каналес иштирокида учрашув бўлиб ўтди. Томонлар футболчига оид клубнинг келгуси режаларини муҳокама қилди.
Димарконинг ўзи аввалроқ бутун фаолиятини «Интер»да ўтказиш истагини очиқчасига билдирган эди. Шу билан бирга, италиялик ўйинчи А Сериянинг энг яхши футболчиси деб топилган ва жамоага яна иккита совринни қўлга киритишда ёрдам берган муваффақиятли ўтган мавсумдан сўнг ўз хизматлари эътироф этилишини ҳамда шартнома шартлари яхшиланишини истаганди.
Маълумки, клуб раҳбарияти Димаркога узоқ муддатли шартнома таклиф қилишга тайёр. Маошни сезиларли даражада ошириш режалаштирилмаган, аммо шахсий ва жамоавий бонуслар бўйича шартлар яхшиланади.
