«Ливерпул» келаси мавсумдан Turkish Airlines билан ҳамкорлик қилади

«Ливерпул»да келаси мавсумдан янги титул ҳомий пайдо бўлади.

Англия клуби Turkish Airlines авиакомпанияси билан ҳамкорлик шартномаси тузилганини эълон қилди. Келишув 2027 йил июн ойидан кучга киради.

2010 йилдан буён мерсисайдликларнинг титул ҳомийси Standard Chartered банки эди.

The Athletic маълумотларига кўра, «Ливерпул» ва Turkish Airlines ўртасидаги шартнома 5 йилга мўлжалланган. Ушбу келишув клубга ушбу муддат давомида 300 миллион фунтдан ортиқ даромад келтиради.

Клубдагиларнинг фикрича, энди «Ливерпул» АПЛда футболканинг олд қисмидаги реклама учун энг катта маблағни олади — бир мавсумга тахминан 60 миллион фунт.

Standard Chartered эса «қизиллар»га йилига тахминан 50 миллион фунт тўлаб келаётганди.