Fransiya milliy jamoasining sobiq himoyachisi Vilyam Gallas Jon Stounsning "Chelsi"ga ehtimoliy transferi haqida o'z fikrlarini bildirdi.
"U katta tajribaga ega. Jon Angliya Premer-ligasida chempion bo'lgan, Chempionlar ligasida ham g'olib chiqqan. Shuning uchun u hozir "Chelsi" uchun eng yaxshi variant hisoblanadi.
Aks holda, klub boshqa bir himoyachi uchun katta mablag' sarflashiga to'g'ri keladi. Lekin uning Premer-ligaga tez moslasha olishiga hech kim kafolat bera olmaydi", — deya Gallasning so'zlaridan keltiradi iPredicta nashri.
Ma'lumot uchun, angliyalik 32 yoshli futbolchi yaqinda "Manchester Siti"ni shartnomasi muddati yakunlangani sabab tark etdi. Hozirda erkin agent sifatida yangi jamoa izlamoqda.
U o'tgan mavsumda barcha turnirlar doirasida 18 ta uchrashuvda maydonga tushdi.
