Frenki de Yong tizzasidan olgan jarohati sabab 2026/27-yilgi mavsumda «Barselona»ning birorta bahsida ishtirok etmadi. Biroq niderlandiyalik futbolchining safga qaytishi yaqinlashmoqda.
Mundo Deportivo xabariga ko‘ra, 29 yoshli yarimhimoyachi 5 oktyabr kuni jamoaviy mashg‘ulotlarga qo‘shilishi kutilmoqda. Ushbu kuni u FIFA kunlari vaqtida milliy jamoalariga bormagan futbolchilar bilan birga shug‘ullanadi.
Shu bilan birga, de Yongga optimal sport formasini tiklash va o‘yin ritmiga qaytish uchun vaqt kerak bo‘ladi. Shu sababli uning 25 oktyabr kuni «Real»ga qarshi o‘tkazilishi rejalashtirilgan El Klasikoda maydonga tushishi ham so‘roq ostida.
