«Atalanta» yarimhimoyachisi Edersonning «Manchester Yunayted»ga oʻtishi barbod boʻldi. Bu haqda insayder Fabrizio Romano xabar berdi.
Manbaga koʻra, «qizil iblislar» transfer boʻyicha rejalari oʻzgartirgan va kelishuvni bekor qilgan.
Shu bilan birga, «Atalanta» braziliyalik 27 yoshli futbolchini jamoadan saqlab qolishdan mamnun.
Avvalroq matbuotda «Manchester Yunayted» Edersonning jarohatlar tarixi tufayli transferni yakunlamayotganligi haqida xabarlar tarqalgan edi.
Eslatib oʻtamiz, Ederson 2022 yilning yozidan buyon «Atalanta» sharafini himoya qilib kelmoqda. U oʻtgan mavsum barcha turnirlarda 41 ta uchrashuvda maydonga tushib, 3 ta gol urdi va 1 ta golli uzatmani amalga oshirdi.
Muxlislar bu yangilikni Telegram’da muhokama qilmoqda
Izohlar Telegram’da ochiladi