"Komo" klubi "Galatasaroy" himoyachi Davinson Sanchesni o'zining asosiy transfer maqsadlaridan biri sifatida belgiladi. Bu haqida La Gazzetta dello Sport xabar berdi.
Manbaga ko'ra, Turkiya grandi kolumbiyalik futbolchining transferidan kamida 25–30 million yevro talab qilmoqda. Bu esa transferning amalga oshishini qiyinlashtirishi mumkin. "Komo" hozircha "Galatasaroy"ga 20 million yevrolik taklif yuborgan.
Bitimga to'sqinlik qilishi mumkin bo'lgan yana bir omil — futbolchining maoshi. Davinson soliqlar ushlab qolingandan keyin bir mavsumda 3 million yevrodan ko'proq maosh oladi.
O'tgan mavsumda Davinson barcha turnirlarda 45 ta uchrashuvda maydonga tushib, 2 ta gol urdi.
Transfermarkt ma'lumotlariga ko'ra, uning bozor qiymati 16 million yevroni tashkil etadi.
