Ferran Torresning «Barselona»dan «PSJ»ga o‘tishi tobora yaqinlashmoqda. Jurnalist Jerar Romero xabariga ko‘ra, ispaniyalik futbolchi Parij klubi bilan kelishuvga erishgan va transfer bo‘yicha yakuniy muzokaralar davom etmoqda.
Biroq bu holat «Barselona» futbolchilari orasida norozilikka sabab bo‘lgan. Ayrim jamoadoshlari Torresning «PSJ» bilan muzokaralarni «yashirincha» olib borgani va klubni tark etish ehtimoli haqida jamoaga hech narsa aytmaganidan norozi bo‘lgan.
Bu esa hujumchi va ayrim jamoadoshlari o‘rtasida taranglik yuzaga kelishiga sabab bo‘lgan.
Ayni paytda «PSJ» Torresning transferini imkon qadar tezroq yakunlashga intilmoqda. Avvalgi ma’lumotlarga ko‘ra, tomonlar transfer summasi bo‘yicha ham kelishuvga yaqinlashgan.
Ma’lumot uchun, Ferran Torres o‘tgan mavsum «Barselona» safida 49 ta uchrashuvda 21 ta gol urib, 3 ta golli uzatmani amalga oshirgan. Uning amaldagi shartnomasi 2027 yilgacha amal qiladi.
Muxlislar bu yangilikni Telegram’da muhokama qilmoqda
Izohlar Telegram’da ochiladi