Ферран Торреснинг «Барселона»дан «ПСЖ»га ўтиши тобора яқинлашмоқда. Журналист Жерар Ромеро хабарига кўра, испаниялик футболчи Париж клуби билан келишувга эришган ва трансфер бўйича якуний музокаралар давом этмоқда.
Бироқ бу ҳолат «Барселона» футболчилари орасида норозиликка сабаб бўлган. Айрим жамоадошлари Торреснинг «ПСЖ» билан музокараларни «яширинча» олиб боргани ва клубни тарк этиш эҳтимоли ҳақида жамоага ҳеч нарса айтмаганидан норози бўлган.
Бу эса ҳужумчи ва айрим жамоадошлари ўртасида таранглик юзага келишига сабаб бўлган.
Айни пайтда «ПСЖ» Торреснинг трансферини имкон қадар тезроқ якунлашга интилмоқда. Аввалги маълумотларга кўра, томонлар трансфер суммаси бўйича ҳам келишувга яқинлашган.
Маълумот учун, Ферран Торрес ўтган мавсум «Барселона» сафида 49 та учрашувда 21 та гол уриб, 3 та голли узатмани амалга оширган. Унинг амалдаги шартномаси 2027 йилгача амал қилади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади