Jahon chempionati ishtirokchilarini tanishtirishda davom etamiz. J guruhiga yetib keldik. Bu kvartetda Argentina chempionlikni saqlab qolish uchun harakat qiladi. Avstriya va Jazoir ham pley-offni koʻzlamoqda. Debyutant Iordaniya esa sensatsiya qayd etishga urinadi.
Argentina
Bosh murabbiy: Lionel Skaloni tayinlanishi dastlab katta shubha bilan qabul qilingan edi. Koʻpchilik unga ishonishmagan edi. Ammo u Argentinani yana dunyoning eng kuchli jamoalari qatoriga qaytardi. 2022 yilda jahon chempioni boʻlgan. Shundan soʻng uning ketishi haqida gap-soʻzlar yangradi. Biroq yakunda Skaloni qoldi, ikkinchi bor Amerika Kubogini qoʻlga kiritdi va qiyin davrni engib oʻtib, 2026 yildagi jahon chempionatigacha jamoani olib borishni maqsad qildi.
Yulduz: Messi — asosiy yulduz va u haqida ortiqcha taʼrifga soʻz yoʻq. Uning soyasida qolgan barcha futbolchilar goʻyoki qirol atrofidagi saroy ahlidek.
Shuningdek, darvozabon Emiliano Martinez — oʻtgan jahon chempionati finalining qahramoni va eng yaxshi posboni. Enzo Fernandes, Xulian Alvares va Lautaro Martinez ham oʻrin olgan.
Tarkib:
Darvozabonlar: Emiliano Martinez (“Aston Villa”), Xuan Musso (“Atletiko” Madrid), Xeronimo Ruli (“Marsel”).
Himoyachilar: Nauel Molina (“Atletiko” Madrid), Gonsalo Montyel (“River Pleyt”), Kristian Romero (“Tottenhem”), Leonardo Balerdi (“Marsel”), Lisandro Martinez (“Manchester Yunayted”), Nikolas Otamendi (“Benfika”), Nikolas Talyafiko (“Lion”), Fakundo Medina (“Lans”).
Yarimhimoyachilar: Leandro Paredes (“Boka Xuniors”), Jovanni Lo Chelso (“Betis”), Rodrigo De Paul (“Inter Mayami”), Tyago Almada (“Atletiko” Madrid), Eksekiyel Palasios (“Bayer”), Nikolas Gonsales (“Yuventus”), Nikolas Paz (“Komo”), Aleksis Makallister (“Liverpul”), Enzo Fernandes (“Chelsi”), Valentin Barko (“Strasburg”).
Hujumchilar: Xulian Alvares (“Atletiko” Madrid), Lionel Messi (“Inter Mayami”), Lautaro Martinez (“Inter”), Xose Manuel Lopes (“Palmeyras”), Juliano Simeone (“Atletiko” Madrid).
Chempionlikka erishish ehtimoli (Opta): 10,30 foiz.
Avstriya
Bosh murabbiy: Ralf Rangnik ilgari milliy jamoalar bilan ishlamagan va koʻproq “Red Bull” tizimining ideologi sifatida tanilgan edi. Hatto “Manchester Yunayted”dagi qisqa faoliyati ham bu fikrni oʻzgartirmadi.
Biroq Avstriyada u yana kuchli murabbiy ekanini isbotladi. Yaqinda mamlakat futbol ittifoqi Rangnik bilan shartnomani uzaytirdi. Bu bejizga emas. Axir, murabbiy bilan Avstriya 28 yildan soʻng yana jahon chempionatiga chiqdi.
Yulduz: Jamoaning asosiy yulduzlari — milliy jamoa sardori David Alaba hisoblanadi. Shuningdek, toʻpurari Mark Arnautovich. Bu chempionat ularning soʻnggi yirik turniri boʻlishi mumkin.
Yangi avloddan esa 26 yoshli yarimhimoyachi Kristof Baumgartner ajralib turadi. Ammo u jarohat sabab turnirni oʻtkazib yuboradi.
Tarkib:
Darvozabonlar: Patrik Pentz (“Brondbyu”), Aleksandr Shlager (“Zaltsburg”), Floran Vegele (“Viktoria” Plzen);
Himoyachilar: David Affengruber (“Elche”), David Alaba (“Real”), Kevin Danzo (“Tottenhem”), Marko Fridl (“Verder”), Filipp Linhart (“Frayburg”), Filipp Mvene, Shtefan Posh (ikkalasi – “Maynts”), Aleksandr Prass (“Hoffenhaym”), Mixael Svoboda (“Venesiya”);
Yarimhimoyachilar: Ksaver Shlager, Nikolas Zayvald (ikkisi – “Leyptsig”), Karni Chukvuemeka, Marsel Zabitzer (ikkalasi – “Borussiya” Dortmund), Florian Grillitsch (“Braga”), Konrad Laymer (“Bavariya”), Romano Shmid (“Verder”), Alessandro Shopf (“Vankuver Uaytkaps”), Paul Vanner (PSV), Patrik Vimmer (“Volfsburg”);
Hujumchilar: Marko Arnautovich (“Crvena Zvezda”), Mixael Gregorich (“Augsburg”), Sasa Kalayjich (LASK).
Chempionlikka erishish ehtimoli (Opta): 0,50 foiz.
Jazoir
Bosh murabbiy: Vladimir Petkovič kelguniga qadar Jazoir oʻzgarishlarni kechiktirdi. Jamoa uzoq vaqt Jamol Belmadiga ishondi, ammo oʻsish kuzatilmadi. Petkovič kelgach, vaziyat oʻzgardi: Jazoir JCH saralashidan ishonchli oʻtdi va Afrika Kubogida yaxshi taassurot qoldirdi. Mamlakat rahbariyati esa Vladimir bilan kelishuvni uzaytirdi.
Yulduz: Eng mashhur nom — Riyod Mahrez. 35 yoshida u hali ham yuqori darajada oʻynay oladi, ammo avvalgidek barqaror emas. Himoyada tayanch figura — jarohatdan qaytgan Rami Bensebaini. Afsanaviy Zinedin Zidaning oʻgʻli Luka ham bor.
Tarkib:
Darvozabonlar:
Luka Zidan (“Granada”), Ussama Benbot (“USM Aljer”), Melvin Mastil (“Stad Nonne”), Abdellatif Ramdan (“Aljer”).
Himoyachilar: Rafiq Belgali (“Verona”), Samir Shergi (“Parij FK”), Ryan Ait-Nuri (“Manchester Siti”), Jaouen Hajam (“Yung Boyz”), Aissa Mandi (“Lill”), Rami Bensebaini (“Borussiya” Dortmund), Zineddin Belaid (“JS Kabili”), Ashraf Abada (“USM Aljer”), Muhammad Amin Tugai (“Esperans”).
Yarimhimoyachilar: Nabil Bentaleb (“Lill”), Hisham Budaui (“Nitssa”), Hussem Auar (“Al Ittihod”), Fares Shaybi (“Ayntraxt” Frankfurt), Ibrohim Maza (“Bayer”), Yassin Titraoui (“Sharlerua”), Ramiz Zerruki (“Tvente”).
Hujumchilar: Muhammad Amin Amura (“Volfsburg”), Nadir Benbuali (“Ger”), Adil Bulbina (“Al Duhayl”), Fares Jejemis (“Frozinone”), Amin Guiri (“Marsel”), Anis Haj Moussa (“Feyenoord”), Riyod Mahrez (“Al Ahli”).
Chempionlikka erishish ehtimoli (Opta): 0,18 foiz.
Iordaniya
Bosh murabbiy: Iordaniya oʻz tarixidagi eng yaxshi davrni boshdan kechirmoqda. Jamoa ilk bor Osiyo Kubogi finaliga chiqdi va JCHda debyut qiladi. Murabbiylar almashuvi jarayonida Jamol Sellami jamoani qabul qilib oldi. Natijada Iordaniya bilan jahon chempionatida muvaffaqiyatli tarzda ishtirok etishga shaylanmoqda.
Yulduz: Yagona va asosiy yulduz — Musa Al Tamari. U Yevropada muvaffaqiyat qozongan ilk iordaniyalik futbolchi boʻlib, Fransiya chempionatida ham oʻzini koʻrsata oldi. Qolgan oʻyinchilar mahalliy klublarda toʻp suradi.
Chempionlikka erishish ehtimoli (Opta): 0,04 foiz.
