Madridning «Atletiko» klubi hujumchisi Xulian Alvares «Barselona»ga o‘tish istagida. Topskills Sports UK xabariga ko‘ra, argentinalik futbolchi yanvar oyida transferni amalga oshirish uchun klubiga bosim o‘tkazishga tayyor.
26 yoshli hujumchi yozgi transfer oynasida ham «Barselona»ga o‘tishni istagan, biroq «Atletiko» muzokara olib borishdan bosh tortgani sababli kelishuv amalga oshmagan. Manbaga ko‘ra, Alvares Madrid klubi muxlislarining unga munosabatidan ham hafsalasi pir bo‘lgan.
Shu sababli argentinalik futbolchi qishki transfer oynasida «Barselona»ga o‘tish g‘oyasini yana ilgari surishi mumkin. Biroq kataloniyaliklar hujum chizig‘ini kuchaytirishga hozircha katta ehtiyoj ko‘rmayapti.
Bunga «Barselona» hujumchisi Rafinya Diasning ushbu mavsum boshida markaziy hujumchi sifatida juda samarali o‘yin namoyish etayotgani sabab bo‘lmoqda.
Ma’lumot uchun, Alvares 2024 yil yozida «Manchester Siti»dan «Atletiko»ga ko‘chib o‘tgandi.
Muxlislar bu yangilikni Telegram’da muhokama qilmoqda
Izohlar Telegram’da ochiladi