Мадриднинг «Атлетико» клуби ҳужумчиси Хулиан Алварес «Барселона»га ўтиш истагида. Тopskills Sports UK хабарига кўра, аргентиналик футболчи январ ойида трансферни амалга ошириш учун клубига босим ўтказишга тайёр.
26 ёшли ҳужумчи ёзги трансфер ойнасида ҳам «Барселона»га ўтишни истаган, бироқ «Атлетико» музокара олиб боришдан бош тортгани сабабли келишув амалга ошмаган. Манбага кўра, Алварес Мадрид клуби мухлисларининг унга муносабатидан ҳам ҳафсаласи пир бўлган.
Шу сабабли аргентиналик футболчи қишки трансфер ойнасида «Барселона»га ўтиш ғоясини яна илгари суриши мумкин. Бироқ каталонияликлар ҳужум чизиғини кучайтиришга ҳозирча катта эҳтиёж кўрмаяпти.
Бунга «Барселона» ҳужумчиси Рафиня Диаснинг ушбу мавсум бошида марказий ҳужумчи сифатида жуда самарали ўйин намойиш этаётгани сабаб бўлмоқда.
Маълумот учун, Алварес 2024 йил ёзида «Манчестер Сити»дан «Атлетико»га кўчиб ўтганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади