«Реал» собиқ яримҳимоячиси Месут Ўзил Мадрид клубида Криштиану Роналду билан бирга ўйнаган даврларини эслади.
«Роналду ниҳоятда интизомли инсон ва ўзига бўлган ишончи жуда юқори. Айнан шу икки хусусият унга ҳозирги даражасига эришишда ёрдам берди.
У мени майдонда жуда яхши тушунарди ва «Реал»да у билан бирга ўйнаш ажойиб эди. Мен доим унга тўп узатар, у эса бу узатмаларни осонлик билан голга айлантирарди», — деди Ўзил.
Маълумот ўрнида, германиялик собиқ футболчи 2010–2013 йилларда «қироллик клуби» шарафини ҳимоя қилган. Роналду эса «Реал» сафида 2009 йилдан 2018 йилга қадар тўп тепган. Шу даврда икки футболчи Мадрид клуби ҳужумларидаги энг самарали ҳамкорликлардан бирини шакллантирган.
Қайд этиш лозим, Ўзил 2023 йилда профессионал футболчилик фаолиятини якунлаган. 41 ёшли Криштиану Роналду эса ҳозирда Саудия Арабистонининг «Ан Наср» клуби шарафини ҳимоя қилмоқда.
Аввалроқ Марсело Ўзил ва Мбаппени Мессидан устун қўйгани маълум қилинганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади