«Бавария» кузатув кенгаши аъзоси Ули Ҳёнесс клубни келажакда бошқариши мумкин бўлган мураббий ҳақида фикр билдирди.
«Венсан Компанидан кейин Себастян Ҳёнесс менга катта ҳурматга сазовор. Ростдан ҳам унга қойил қоламан. У «Бавария» мураббийи бўлиши мумкинми? Ҳеч бўлмаганда, у бу лавозимга номзодлардан бири бўлади», — деди Ҳёнесс.
Себастян Ҳёнесс ҳозирда «Штутгарт»ни бошқармоқда ва жамоа билан ўтган мавсум Германия кубогини қўлга киритган.
Қайд этиш жоиз, мутахассис аввал «Бавария» тизимида ҳам ишлаган — у 2017–2019 йилларда U-19 жамоасини, 2019–2020 йилларда эса клубнинг иккинчи жамоасини бошқарган.
