«Bavariya» kuzatuv kengashi a’zosi Uli Hyoness klubni kelajakda boshqarishi mumkin bo‘lgan murabbiy haqida fikr bildirdi.
«Vensan Kompanidan keyin Sebastyan Hyoness menga katta hurmatga sazovor. Rostdan ham unga qoyil qolaman. U «Bavariya» murabbiyi bo‘lishi mumkinmi? Hech bo‘lmaganda, u bu lavozimga nomzodlardan biri bo‘ladi», — dedi Hyoness.
Sebastyan Hyoness hozirda «Shtutgart»ni boshqarmoqda va jamoa bilan o‘tgan mavsum Germaniya kubogini qo‘lga kiritgan.
Qayd etish joiz, mutaxassis avval «Bavariya» tizimida ham ishlagan — u 2017–2019 yillarda U-19 jamoasini, 2019–2020 yillarda esa klubning ikkinchi jamoasini boshqargan.
