Суперлига 12-туридан ўрин олган «Андижон» – «Сурхон» (1:2) учрашувининг 5-дақиқасида термизликлар дарвозабони Даврон Мерганов тўп учун кечган ҳаво яккакураши вақтида бош қисмидан жароҳат олганди. Натижада у тиббий ёрдам кўрсатилгач майдонни тарк этишга мажбур бўлди.
«Сурхон» жамоаси шифокори Бахтиёр Мирсагатов маълум қилишича, учрашувдан сўнг футболчи шифокорлар томонидан тўлиқ тиббий кўрикдан ўтказилди. Ўтказилган текширувлар натижасида Даврон Мергановда бош чайқалиши (мия чайқалиши) ҳолати аниқланган.
«Айни вақтда футболчининг умумий аҳволи барқарор ва қониқарли. У шифокорлар назорати остида бўлиб, зарур даволаниш ҳамда тикланиш жараёнини давом эттирмоқда. Ҳозирча унинг соғлиғи билан боғлиқ жиддий хавотир уйғотадиган ҳолат кузатилмаяпти», - дейилади клуб хабарида.
