Суперлига. «Қизилқум» ўз уйида «Бухоро»дан устун келди

Суперлиганинг 20-турида «Қизилқум» ўз майдонида «Бухоро»ни қабул қилди. Баҳс мезбонларнинг 3:2 ҳисобидаги ғалабаси билан якунланди.

Биринчи бўлим охирида, 42-дақиқада «Қизилқум» футболчиси Хуршид Мухторов тўпни ўз дарвозасига киритиб қўйди. 52-дақиқада Жаба Жигаури фарқни иккитага оширди.

64-дақиқада Отабек Жўрақўзиев ҳисобни йириклаштирди. 73-дақиқада Шерзод Эсанов ҳисобни 3:1 кўринишига келтирди. 77-дақиқада Ника Качарава «Бухоро»нинг иккинчи голини урди, бироқ меҳмонлар ҳисобни тенглаштира олмади.

Ушбу натижадан сўнг «Қизилқум» 26 очко билан 11-ўринда қолди. «Бухоро» эса 34 очко билан 4-ўринни эгаллаб турибди.

Суперлига. 20-тур
Қизилқум — Бухоро 3:2
Голлар: Мухторов 42 (автогол), Жигаури 52, Жўрақўзиев 64, Эсанов 73, Качарава 77.
Огоҳлантиришлар: Раҳматуллаев 45+2, Раҳматиллоев 59.
Четлатиш: Жўраев 87.

Қизилқум: Раҳматов, Жуманқўзиев, Раҳматуллаев (Отақулов, 88), Туропов (Майкон Дуглас, 79), Кумборович, Бозоров (Шукуриллаев, 72), Жигаури, Нематхонов, Рўзиев (Абдуғоффоров, 72), Раҳматиллоев, Жўрақўзиев (Папарига, 79).

Бухоро: Ҳамроев, Аҳмаджонов, Мухторов, Жўраев, Убайдуллаев (Качарава, 10), Мамасидиқов, Рўзиев (Жўрабоев, 70), Эсанов, Тодоров, Родич (Қаюмов, 88), Жўрабеков (Йўлдошев, 70).