«Бавария» кузатув кенгаши аъзоси Карл-Хайнс Румменигге жамоанинг франциялик вингер Майкл Олисенинг шартномаси бўйича изоҳ берди.
«Майклнинг шартномаси 2029 йилгача амал қилади. Қачондир клуб у билан музокаралар столига ўтириши ва муносиб таклиф киритиши керак бўлади. Олисе ўз позициясидаги уникал футболчи», - дея Руммениггенинг сўзларидан иқтибос келтиради инсайдер Фабрицио Романо ижтимоий тармоқдаги ўз саҳифаси орқали.
Эслатиб ўтамиз, 24 ёшли яримҳимоячи Германия Бундеслигасининг ушбу мавсумида тўртта ўйин ўтказиб, тўртта гол урди ва битта голли узатмани амалга ошириб улгурди.
Маълумот учун, Олисенинг актуал трансфер нархи 170 миллион еврога баҳоланмоқда.
