«Тоттенҳэм» ҳимоячиси ва сардори Кристиан Ромеро АПЛнинг 25-тури доирасида «Манчестер Юнайтед»га қарши баҳсда (0:2) қизил карточка олди. Шу тариқа аргентиналик футболчи 2021 йилдан буён Англия чемпионатида энг кўп четлатилган футболчи сифатида антирекорд қайд этди. Бу ҳақда ОptaJoe ижтимоий тармоқ Х орқали маълум қилди.
Кристиан Ромеро «Тоттенҳэм» сафига 2021 йилда келиб қўшилган. Шу вақтдан буён у барча мусобақаларда жами 6 марта қизил карточка олган. Бу кўрсаткич ушбу давр мобайнида АПЛ футболчилари орасида энг юқори натижа ҳисобланади.
Қайд этилишича, бу Ромеро учун жорий АПЛ мавсумидаги иккинчи четлатилиш бўлди. Ҳимоячи дисквалификация сабабли тўртта баҳсни ўтказиб юборади.
Ҳозирда «Тоттенҳэм» 29 очко билан АПЛ турнир жадвалида 14-ўринда бормоқда. 26-турда лондонликлар 10 феврал, сешанба куни «Нюкасл Юнайтед»га қарши баҳс олиб боради.
